सर्वप्रथम सर्व भाज्यांची तयारी करावी कांदा आणि टोमॅटो बारीक चिरून घ्यावा. फ्लावर चे मोठे तुकडे करावे. त्यानंतर गाजर आणि शिमला मिरची चिरून घ्यावी. कोथिंबीर बारीक चिरून घ्यावी.
त्यानंतर गॅसवर कढई ठेवून त्यामध्ये 5 टेबलस्पून तेल घालावे. आता तेल गरम झाल्यावर मोहरी- जीरे ची ओढणी द्यावी. आता कांदा घालावा आणि थोडा परतून घ्यावा. त्यानंतर हिरवी मिरचीचा ठेचा आणि लसूण पेस्ट घालावी आणि थोडे परतावे. त्यानंतर लगेचच टोमॅटो घालावे आणि मिक्स करून परतावे.

आता लगेच गाजर, फ्लावर आणि शिमला मिरची घालून चांगले मिक्स करावे. त्यानंतर हळद, जीरे पावडर, लाल मिरची पावडर आणि मीठ घालुन चांगले परतून घ्यावे 2-3 मिनिटे. पित्ताचे प्रमाण आपल्या आवडीनुसार घालावे. आता 1/4 वाटी पाणी घालावे आणि मिक्स करावे. आता त्यावर झाकण ठेवून भाजी थोडी शिजू द्यावी 4-5 मिनिटे. गॅस मध्यम ते बारीक फ्लेमवर ठेवावा.

झाकण काढून पाहावे की भाजी शिजली आहे का. त्यानंतर त्यामध्ये गरम मसाला घालावा आणि चांगले परतून घ्यावे 3-4 मिनिटे परतून घ्यावे. त्यामध्ये कोथिंबीर घालावी आणि परतून घ्यावे.