ज्वारीच्या पिठात मीठ टाकून, थोडे थोडे गरम पाणी टाकत, पीठ छान मळून घ्या. त्याचा गोळा करा.

पोळपाट किंवा ओट्यावर ज्वारीचे पीठ पेरून, त्यावर पिठाचा गोळा तळहाताने, हळूहळू थापा. थापलेल्या भाकरीच्या कडांना, दुसऱ्या हाताचा आधार द्या.भाकरी गोल होईल.

गॅसवर तवा तापवा. त्यावर थापलेली भाकरी हलक्या हाताने टाका. भाकरीच्या वरच्या बाजूस हाताने पाणी लावा.एक बाजू भाजून झाली, कीं ती उलटून तव्यावर टाका. दोन्ही बाजू छान भाजल्यावर, वरची बाजू,पालथी घालून, भाकरी तव्यावर किंवा गॅसवर फुगून घ्या.