शेंगा व्यवस्थित मोडून व त्याच्या शीरा काढाव्यात. नीट केलेल्या शेंगा, त्यातील दाणे काढून घेऊन, एकत्रित स्वच्छ धुऊन घ्यावे. कांदा, टोमॅटो बारीक चिरून घ्यावे, वर सांगितल्याप्रमाने सर्व साहित्य घ्यावे.

गॅसवर पॅनमध्ये आवश्यकतेनुसार तेल गरम करून त्यात अनुक्रमे कांदा व टोमॅटो परतून घ्यावे. ते मऊ झाले,की तिखट, हळद घालावे नंतर त्यात शेंगा व चवीनुसार मीठ घालून परतावे.

त्यानंतर झाकण झाकून एक वाफ आणावी. पाच मिनिटांनी झाकण काढून त्यात लसूण खोबरे, शेंगदाण्याचे कुट व कपभर पाणी घालून झाकण झाकावे व भाजी शिजू द्यावी. साधारणपणे दहा मिनिटांनी भाजी शिजल्याची खात्री करून गॅस बंद करावा.

तयार "पावट्याच्या शेंगांची भाजी" भाकरी किंवा चपाती बरोबर सर्व्ह करावी.