सर्व प्रथम गव्हाच्या पिठात चवीनुसार मीठ घालून पाण्याने मळवून घेतले आणि 10 मिनिटांसाठी नॅपकिन झाकून बाजुला ठेवले.

आता फुलकोबी स्वच्छ धुवून घेतली आणि किसणीने किसून घेतली. एका रुमालात किसलेली कोबी ठेवून पिळून घेतली म्हणजे त्यात पाण्याचे प्रमाण अजिबात असणार नाही.

आता फुलकोबी च्या किसमध्ये तिखट, हळद, चवीनुसार मीठ, आमचूर पावडर, चिमुटभर हिंग, तीळ आणि ओवा आणि कोथिंबीर घालून मिक्स करून घ्या. आपले फुलकोबी चे सारण तयार आहे.

आता कणीक पुन्हा एक वेळ मळवून घेऊन मऊ करून घ्या. एक गोळा तयार करून छोटी पाती लाटून घ्या. त्यात सारण भरून पाती बंद करून घ्या.

हलक्या हाताने लाटून घ्या आणि गरम तव्यावर दोन्ही बाजूला तेल लावून शेकुन घ्या.