સૌપ્રથમ પાલક ને સમારી ધોઇ લેવું. હવે પાલક ને ઉકળતા પાણીમાં એક મિનિટ માટે બાફી લેવું. હવે મિકસર જારમા પાલક,લીલા ધાણા, લીલું લસણ, ફુદીના ના પાન અને મરચાં ઉમેરી પેસ્ટ તૈયાર કરવી.

હવે એક બાઉલમાં મેંદો લઈ તેમાં તૈયાર કરેલી પેસ્ટ, મીઠું,ખાંડ મરી પાઉડર, બેકિંગ પાઉડર અને બેકિંગ સોડા તેલ ઉમેરી તૈયાર કરેલી પેસ્ટ નાંખી લોટ ની મીડીયમ કણક બાંધી દસ મિનિટ ઢાંકી ને રેસ્ટ આપવું.

હવે લોટ માંથી લુઆ કરી નાન વણી લેવું. હવે નાન ની એકબાજુ પાણી લગાવી ઉપર કાળા તલ અને કોથમીર મુકી ફરી વણી એ જ બાજુ તાવી પર નાન લાગી રહે તેમ તાવી પર મુકી ગેસ ની ફલેમ ધીમી રાખી નાન ને થવા દેવું.હવે નાન થવા આવે એટલે તાવી ઊંધી કરી નાન બરાબર ફુલી જાય અને ઉપર સ્પોટ દેખાય એવા શેકી લેવું.

હવે નાન ને તાવી પર થી ઉતારી ઉપર બટર લગાવી ગરમાગરમ સર્વ કરવું.