प्रथम पनीर, टोमॅटो, कांदा, सिमला चे तुकडे तव्यावर थोडया तेलावर भाजून घ्यावेत. ग्रेव्हीसाठी लागणारे तिखट व हळद सोडून बाकी सर्व साहित्य तव्यावर एकेक करून भाजून एकत्र करून मिक्सरला बारीक पेस्ट करून घ्यावी.

पॅनमध्ये आवश्यकतेनुसार तेल घालून त्यात तमालपत्र, कसुरी मेथी फोडणीला घालावी. त्यावर तयार मसाल्याची पेस्ट, हळद, तिखट घालून परतावे.

कडेने तेल सुटू लागल्यावर त्यात दूध घालावे. सर्व सामग्री परतून झाल्यावर पनीर, कांदा, सिमला, टोमॅटो चे तुकडे घालावेत. आवश्यकतेनुसार मीठ व पाणी घालून एक वाफ आणावी. जास्त पाणी न घालता ग्रेव्ही दाटसरच ठेवावी. तयार "पनीर मसाला" रोटी, नान, चपाती बरोबर सर्व्ह करावे.