સૌપ્રથમ કાજુની ધીમા તાપે ડ્રાય રોસ્ટ કરી લેવા ઠંડા પડે એટલે પલ્સ મોડ પર ક્રશ કરી ચાળીને તેનો પાઉડર તૈયાર કરવો. પાનને સાફ કરી ઝીણા સમારી મિક્સર જારમાં મુખવાસ અને બે ચમચી દૂધ ઉમેરી પેસ્ટ તૈયાર કરવી.

હવે એક પેનમાં દૂધ લઈ પાઉડર ખાંડ ઓગળે તેટલું ગરમ કરી ગેસ પરથી ઉતારી લેવું ત્યારબાદ તેમાં એક ચમચી ઘી મિલ્ક પાઉડર અને મિક્સ કરી ધીમા ગેસ પર સતત હલાવતા રહેવું થોડીવાર બાદ કાજુનો પાઉડર ઉમેરી લચકા પડતું જણાય તેટલું મિક્સ કરી ગેસ પરથી ઉતારી લેવું.

તૈયાર મિશ્રણ ના બે ભાગ કરી એક ભાગમાં તૈયાર કરેલ પાનની પેસ્ટ અને ગ્રીન ફૂડ કલર ઉમેરો. ત્યારબાદ જે વાસણમાં સેટ કરવાનું હોય તેમાં બટર પેપર ગ્રીસ કરી પાન ફ્લેવરનું મિશ્રણ સેટ કરવું

હવે ગુલકંદમાં બદામ પિસ્તાની કતરણ ટોપરું પાઉડર ઉમેરી મિક્સ કરી સેટ કરેલા ગ્રીનલેવર પર પાત્રો અને ત્યારબાદ અલગ રાખેલા વ્હાઇટ મિશ્રણનું લેયર કરી ઉપરથી પિસ્તાની કતરણ છાંટી હળવા હાથે સેટ કરી લેવું અને ત્રણથી ચાર કલાક રૂમ ટેમ્પરેચર પર ઠરવા દેવું.

તો તૈયાર છે એકદમ ટેસ્ટી કાજુ ગુલકંદ ડીલાઈટ જેને આપ દિવાળીના દિવસોમાં મહેમાનોને સર્વ કરી શકો છો.