સૌ પ્રથમ એક કૂકર માં ૪-૫ કપ પાણી લઈ ગરમ મુકો પાણી ગરમ થાય એટલે પહેલા સમારેલું લસણ અને પછી બધા શાકભાજી ઉમેરી પલાળેલી ચણા ની દાળ અને મગ ની છોડા વાળી દાળ ઉમેરી હલાવી ૨-૩ મિનિટ થવા દેવું.

હવે કૂકર નું ઢાંકણું ઢાંકી મીડીયમ આંચ પર ૩ સીટી અને પછી આંચ ધીમી કરી ૨ સીટી વગાડી ગેસ બંધ કરવો.કૂકર માં થી હવા નીકળે એટલે તરત જ ઢાંકણું ખોલી નાખવું જેથી કલર એવો જ રહે પછી તેમાં મીઠું, વાટેલા લીલા આદું મરચાં, લીલું લસણ સમારેલું અને સમારેલા લીલા ધાણા નાંખી બધું બરાબર હલાવી ગેસ ચાલુ કરી થોડું ઘટ્ટ થાય ત્યાં સુધી હલાવતા રહેવું.

હવે ગેસ બંધ કરવો.તો તૈયાર છે ઘુટ્ટો સરવિંગ બાઉલમાં કાઢી ઉપર લીલા લસણ અને લીલા ધાણા થી ગાર્નિશ કરી મેં બાજરી અને જુવાર ના મીક્સ રોટલા,લાલ ચટણી,મરચાં અને હળદર સાથે સર્વ કર્યો.