સૌપ્રથમ કુકરમાં બે કપ પાણી ઉકળવા મૂકો. તેમાં દાળ નાખો કુકર બંધ કરી અને ચાર સીટી વગાડો.
સામગ્રીમાં તથા ફોટામાં દર્શાવ્યા પ્રમાણેની સામગ્રી તૈયારી કરી લો. એક પેનમાં તેલ ગરમ કરો. પહેલા તેમાં રાઈ ક્રેક કરી લો. તજ, લવિંગ, બાદિયા, તમાલપત્ર, સુકુ લાલ મરચું મેથી દાણા, હીંગ નાખી સાંતળી લો. હવે તેમાં ક્રશ કરેલ ડુંગળી, લીલા મરચાં એડ કરો. ડુંગળીને સાંતળી લો.

હવે તેમાં ટામેટા તથા કાચી કેરી નાખી અને સાંતળી લો. 3 થી 4 મિનિટ સુધી સોતે કર્યા બાદ તમામ સામગ્રીમાં દર્શાવ્યા પ્રમાણેના સુકા મસાલા, મીઠું એડ કરો. ગેસની સ્લો ફ્લેમ પર મિક્સ કરો.

હવે બધું જ સોતે થઈ જાય અને તેલ છૂટું પડવા લાગે એટલે તેમાં બાફેલ દાળ એડ કરો.મિક્સ કરો. ગેસની સ્લો ફ્લેમ પર તેને દસ મિનિટ સુધી ઉકળવા દો. ત્યારબાદ લીલા ધાણા નાખવા અને ગેસ ઓફ કરી દેવો.

ઈડલીના ખીરામાં મીઠું નાખી અને મિક્સ કરી લેવું. સ્ટીમરમાં પાણી ગરમ કરવા મૂકી દેવું. ઈડલી ની પ્લેટમાં દરેક સાંચામાં તેલથી ગ્રીસિંગ કરી લેવું. હવે આ ઈડલી ની પ્લેટ ને સ્ટીમરમાં બફાવા માટે મૂકી દેવી. 10 થી 12 મિનિટમાં બફાઈ જશે. ગરમા ગરમ ઈડલી સંભાર સર્વ કરો.