ناخذ الفرينة و نضيف الفانيليا و الملح و نخلط ثم نضيف كأس من زيت و مارغرين و نبس مليحة عجينة تاعي و نبدأ نلم العجينة بماء الزهر حتى نتحصل على عجينة طرية، ثم نعجنها لثواني فقط و نديرها على حربوش و نقطعها على 4 قطع و نخليها ترتاح، انا خليتها من الصباح حتى العشية

ثم نرش طويلة العمل بالنشاء ثم نبدأ بحل العجينة، تكون رقيقة على شكل مستطيل ثم نرش النشاء و نبدأ نلويها على شكل حربوش

ثم نطبخها على نار متوسطة كي تطلع الخشاش فوق الزيت، نحاول نشدها بالفرشيطة بالطول كما بينت في الصور لكي يظهر التوريق، ثم نرمي فوقها الزيت. و نخليها تحمر

ثم نخليها تتقطر من الزيت، و نسخن العسيلة تاعي و ناخذ مغرفة و نعسلها من الفوق