بسم الله،للعجين سابلي،في وعاء نقص الزبدة الطريةمربعات ونزيدلها الزيت وكمية السكر والڤنيلاونخدمهم مليح باليد ثم نزيدلهم البيضة ورشة الملحوونخلط مليح ثم نبدأ نضيف الفرينة (طحين) بشوية مع الخميرة حتى تتلم ونخليها طرية ونغلفها في بلاتيك ونحتفظ بها في الثلاجة لمدةنصف ساعة،انا خليتها ليلة كاملة.

لما نخرج العجين من الثلاجة نوجد قوالب التالتولات وناخذكمية صغيرة من العجين ونسويها فيهم حتى نكمل الكمية ونعمل فيهم ثقب في القاع وندخلهم لفرن سخون مسبقاً على 160درج.حتى يطيبو ويتحمرو شوية.

بالنسبة للكريم نخلط كل المقاديرمعداالڤنبلا واازبدة، جيداً بالفوي باردين،ثم نحط الكل فوق النار مع التحريك حتى تثقال الكريمة هاد الحين نزيدلها الفانيلا ونحرك مليح ومن بعد نطفي عليها ونزيد الزبدة وندخلها في الكريم ونتركها جانبا تبرد ونغطيها ببلاستيك غذائي.نطلع غبرة الشانتيه مع الحليب البارد.ولماتبردكريم باتسيير نزيدها الشوتيي وهما باردين ونخلطهم بالضراب الكهربائي نتحصل على كريم الديبلومات