في كسرونة نحط الحليب يسخن شوية و في صحن نكسر البيض و نضيف السكر و المايزينة و لفاني ونخلطهم جيدا ثم نضيف عليهم شوية من الحليب لي سخناه و نعاود نفرغ الكل فالكسرونة و نحطو فوق النار ونحرك حتى تعقد نضيف الزبدة نخلط و نطفي و نفرغ الخليط في صحن نغطيه ببلاستيك غذائي يلامس الكريمة و نخليه يبرد شوية و ندخلو للثلاجة حتى يبرد تماما بعدما تبرد الكريمة نضربها المضرب اليدوي او الخلاط الكهربائي و نطلع كريمة الشونتي نخلط كأس بودرة الشونتيي مع كأس حليب بارد و نطلعهم بالباتور

ثم نضيف كريمة الشونتيي للكريم باتيسيار و نضربهم بالباتور حتى يتجانسو مع بعض و نتحصل على كريمة الديبلومات نأخذ قوالب التارتولات تاعنا نعمرهم بالكريمة و نزين بالفراولة بعدما ندهنها بالناباج و تقدم باردة