في الأول نبسس السميد بالسمن والملح والفرينة ونتركه يرتاح ليلة كاملة وفي الصباح نفتحو بيدي ونزيدلو ماء الزهر ثم الماء وانا أستعمل طرف الإصابع فقط لا اعجن

من بعد ناخذ كمية ونفتحها حربوش طويل ونفتحو في الوسط ونحطلو حربوش عجينة اللوز ونغلق ونروليه ومقطع مقرودات ونخليهم يرتاحو حتى نكمل نصف الكمية والنصف الاخر نديرلو الغرس ونبدا نقلي في زيت غزيرة ومنقلبش بزاف وتكون الزيت سخونة مليح وفي الاخير نعسلهم ويكون جاهزين