بسم الله: نبدأ بالصلصة أولا فالميكسور نقطع حبة بصل وحبة طماطم و3 فصوص ثوم نرحيهم مليح وفي قدرة صغيرة نحط 2 مغارف كبار زيت نفرغ خليط الطماطم والبصل نزيدلهم ملعقة كبيرة طماطم مصبرة ملح فلفل أسود فلفل احمر نقليها مليح ونمرق بكاس ماء سخون.

بالنسبة لكرات الدجاج في إناء نحط اللحم و البصل مقطع رقيق لاشابلور ، لرطب تاع لفريك ، الارز الى نكون شرشمتوا في الماء والملح ، الملح ، الفلفل اسود ، توابل اللحوم البيضاء ، لاموطارد ، نلموا بحبة بيض اقل او اكثر حسب الحاجة.

نشكل اللحم على شكل كرات نحطهم فلاصوص و نغطيهم ونخليهم يطيبوا كي تطيب اي تستوي اللحم و تعقد الصلصة نطفي عيها وبالصحة والعافية.