نخلط الفرينة مع المارغرين او السمن و نبسسها مليح باليد ثم نضيف الفانيلا و الملح و نرش بخليط(ماء و ماء زهر و نضع فيه قطرات من الخل الابيض) حتى نتحصل على عجينة طرية نديرها في كيس بلاستيكي و نخليها ترتاح اكثر من ساعة (كلما ترتاح كلما جيك مليحة)

نحكم العجينة و نقسمها الى قطع متساوية و نكورهم ثم نحكم كل كرية و نحللها بشوية نشاء نحللها رقيقة و نذري فوقها نشاء ثم نطويها على الجهتين و نزيد نذري النشاء و نزيد نطويها (منكثروش نشاء بزاااف باه متنشفش العجينة)

ثم نحللها على شكل قرصة و نزيد نذري نشاء و نطويها بنفس الطريقة السابقة و نخليها على جنب ونغطيها بكيس بلاستيكي و نكمل نفس العملية مع باقي الكريات

ثم نبدا نحللهم بالوحدة على شكل مستطيل رقيق نوعا ما (ميش بزاااف) و بواسطة الجرارة او موس نقص جهة مائلة ونضع في الوسط القليل من الحشو ونلف لفتين كيما البوراك و نقص بالجرارة ونضغط شوية على الحواف نتحصل على شكل مثلث