في طنجرة الضغط نحط قطعة لحم الغنم (الخروف) والزيت والسمن مع البصل نقليه على نار هادية نضيف التوابل (الملح، فلفل الأسود، الكركم) وحبة طماطم مقطعة على أربعة وعود قرفة نقلّي الكل جيدا ثم نضيف القليل من الماء غالي حوالي كاس ونغلق على الطنجرة ونحط الصفارة ونخليه يطيب تقريبا نصف ساعة.
ملاحظة: ما نكتروش الماء كي نغلقو على الطنجرة ونحطوها على نار هادية إلى متوسطة طيب وتجي المرقة عاقدة.

كي يقرب يطيب اللحم نحط قدرة فيها الماء نخليها تغلي نحط البرقوق في جيهة والمشماش في جيهة ونحط الكسكاس يفور نغلق عليه، كي يفور البرقوق والمشماش (ينتفخ ويطرى) ندردر عليهم سكر وفاني والقليل جدا من القرفة المطحونة وقطرات من ماء الزهر وملعقة من الزبدة نخلط البرقوق على جيهة والمشماش على جيهة نرد الكسكاس يفور مدة 5 دقايق ونطفي، في هاذ الوقت نفتح على طنجرة الضغط يكون اللحم طايب نحطو في طبسي للتقديم وندير البرقوق (نرمد حبات بالجنجلان الأبيض) والمشماش صاير داير حول اللحم ويقدم بألف صحة وهنا.