✨نحضر الفلفل الحار مع الطماطم نغسلهم ونمسحهم.

✨نشوي مل من الحار، الطماطم والثوم ونحطهم في كيس بلاستيكي.

✨نقيهم مليح.

✨نقطعهم قطع صغيرة ونقطع الحشيش صغير.

✨نحضر الكسرة: نضع السميد في إناء ونضيفلو الملح ونلم بالماء دافئ حتى نتحصل على عجينة طرية ندلكها شويا حوالي 5د ونقسمها إلى خبزتين نخليهم يرتاحو 10د ونفتح ونحطهم يطيبو في طاجين منخليهمش حتى يتحمرو بزااف غير شوي.

✨نكمل نطيب الخبزة الثانية ونكمل نقطعهم كامل ونغطيهم.

✨نطيب الصوص: في طنجرة نحط الطماطم المرحية مع الزيت ،فصوص الثوم والطماطم المصبرة نقلي شويا ونضيف الماء الساخن والتوابل كل من العكري الحار، الملح والفلفل الاسود.

✨نأخذ يد المهراس وإناء صغير نحط الدرسة ونهرس ونضيف قليل من فتات الخبز مع الصوص ونهرس.

✨نكمل بنفس الطريقة دائما نزيد قليل من الدرسة مع فتات الخبز والصوص ونهرس حتى نكمل كل الكمية لعندي.

✨نقدم الزفيطي في صحن التقديم ونزين من الفوق بالحشيش.

✨يأكل مع اللبن وصح وهنا.