في وعاء نضع البيض وقرصة الملح و الفانيليا و السكر و نطلعوهم مليح بالخلاط الكهربائي حتى يبياض الخليط ويتضاعف ويثقل.

نضيفو للخليط الزيت بالشوي مع مواصلة الخفق ثم نضيف الحليب ونكملو نخفقوه شوي بالخلاط اليدوي فقط باش يندمج مع الخليط.

نضيف لهاذا الخليط كأس من الفرينة فقط وكيس من الخميرة الكيميائية.

نقسم الخليط إلى قسمين، القسم الأول الأبيض نضيفولو ربع كأس فرينة والقسم الثاني نضيفولو ربع كأس من الكاكاو.

نحتاج لطهي الكيك مول الكيك يكون مدهون بالزبدة وذرينا عليها شوي فرينة أو نغطيوه بورق الطبخ.

للحصول على شكل الماغبغي نسكب القليل من الخليط الأبيض ثم البني ثم الأبيض ثم البني وهكذا نواصل حتى نكمل جميع الخليط (نبدأ بالخليط الأبيض و ننتهي به).

بعد ما نكمل الخليطين الأبيض والبني نجيب عود شواء ونمشيه داخل الخليط من اليمين إلى اليسار ثم من اليسار إلى اليمين.

يطهى الكيك في فرن مسخن من قبل على نار متوسطة إلى هادئة من تحت أولا حتى يطيب و نلوحو فيه عود الشواء يخرج ناشف (أنا حكملي 30 دقيقة) ثم نشعلولو من فوق باش يحمر السطح نتاعو.

نخرجوه من الفرن ونخليوه حتى يبرد باش نحيه من المول ونقطعوه ونقدموه بالصحة والهناء.