أول بسم الله الرحمان الرحيم و الصلاة والسلام على سيدنا محمد عليه افضل الصلاة والسلام سلام حبيباتي جبتلكم اليوم حلوة الكعيكعات او مسيسات ولا أروع نتما تجربوها حبيباتي الغاليات

أول نحضر العجينة ثلاث كيلات فرينة ممسوحة اي كيلو بي الكاس او غرفية حسب الكمية المهم ثلاث كيلات فرينة+نصف كيلة سمن و نكملوها بي الزيت+قرسة ملح+فنيلا نبسس العجينة ثم نضيف كيلة ناقصة اصبع ماء مع ماء الزهر ونلم العجينة ثم نتركها ترتاح حوالي ساعة على الأقل

ثم نحضر الحشو نخلط ثلاث كيلات لوز او كوكاو حسب الرغبة مع كيلة ناقصة اصبع سكر عادي+ملعقة كبيرة زبدة+عطر للوز او جوز او مبشور الليمون ونلم العجينة بي ماء الزهر

التشكل نشكل كرية 37غ والحشو 20غ نبصط العجينة مربعة الشكل ونحربشو الحشو ثم ندخلهم في مول خاص بي الكعكعات حسب الصورة

ثم ندخلهم الفرن مدة الطهي حسب كل فرن حتى يستو ثم نتركهم يرتاحو يوم كامل في الغد نطليهم والتزييين على حسب كل مناسبة