بسم الله اللهم صل وسلم وبارك علي سيدنا محمد في اناء نخلط كل من البيض والسكر والفاني وقرصة الملح جيدا بالفوي من بعد نضيف علبة ياوورت بنفس الكيل زيت ونواصل الخلط جيدا

من بعد نضيف الدقيق والخمارة ثم الفرينة ونلم العجين هنا الفرينة نضيفها على دفعات كل مرة نضيف علبة ياوورت حتى نتحصل على القوام المرغوب فيه

لميت العجين وتحصلت على عجين طري شكلتو بهذي الصفاية واي وحدة تشكلو حسب رغبتها

قليتهم في زيت سخونة على نار هادئة باش ياخذو.تحميرة لازم ما تكونش النار قاوية خاطرش فيها الياوورت والسكر راح تتحرق بالخف وما طيبش من داخل لما يستوو من المقلة للعسل نعسلهم ونقدمهم بالصحة والراحة

جاو بزااف بنان مقرمشين من برا وطرين ومعسلين من داخل شهيتكم في الجنة توالم شهر رمضان لسهراتكم اللهم بلغنا رمضان لا فاقدين ولا مفقودين

نعمة دايمة علينا وعليكم خياتي

الله يجعل كل أيامكم عسل