في كسرونة نفرغ القليل من الزيت ونحط الطماطم والبصل والجزر والثوم والماء والملح والتوابل نحطهم فوق النار تكون متوسطة ونخليهم يطيبوا في خاطرهم، كي يطيبو نميكسيهم (بالرا ميكسور) ونفرغهم في مقلاة ونرجعهم للنار نضيف طماطم مصبرة وورقات الرند ونخلط ونخليها حتى تعقد قبل ما نطفي نضيف السكر ورشة خفيفة من الزعيترة.

بعدما تخمر لعجينة نديقازيها و نلوزها كرات (عطاتني ثلاث بيتزات متوسطي الحجم) ونبسطهم نحاول نخلي الأطراف شوية خشينة ونحطها في صينية فيها ورق الزبدة وندهنهم بصلصلة الطماطم والزيتون الأخضر مقطع شرائح وحبيبات من الكبر (إن وجدو) ونزين بالزيتون الأسود ومن فوق نضيف الجبن المبشور، ندخلها للفرن المسخن مسبقا على درجة حرارة مرتفعة كي طيب من تحت نشعل عليها من فوق تدي لون موحد.

وقدّمتها بألف صحة وهنا 🍕😋🍕