نبدا بسم الله ونجيب مقلاة نحط فيها م ك زيت وسنات ثوم مقطعين شرائح رقاق نقليهم فالزيت ثم نضيف عليهم م ك طماطم مصبرة ونحط عليه م ص عكري حلو وموص فلفل اسود وم ملح ونقلي مليح

نوجد السلق تاعي ونغسلو مليح ثم نقطع. ونخليه يقطر في كسكاس نضيف نصف كاس ماء لخليط الطماطم

نبدا باضافة السلق بالتدريج على الطماطم ونخليه يذبل بالشوي ثم نضيف عليه القليل من لحم دجاج مرحي ونخلي الحشو يطيب مليح

بعد ذلك نحضر العجينة تاعي نحط في ريسبسيون 2كاس فرينة وم ك خميرة الخبز و4م ك زبدة ذايبة وم ص ملح ونبسس العجين مليح ونبدا نلم فيه بكاء حليب دافئ

نلم العجينة ونغطيها ونخليها تختمر بعد ذلك نرجع الحشو بعد ماطاب نضيفلو كمية من كريمة الجبن وزيتون اخضر مقطع شرائح

نرجع العجينة نقسمها الى 2كرات نحب الكرة الاولى رقيقة ونحطها على ورق طهي ونحط كمية من الحشو نسويها مليح ثم نحط عليها جبن طري وجبن مبشور ونزيد نغلق بالكرة تاع العجينة الثانية بعد ماحليناها بنفس الطريقة ونرقق الحواف ونغلق مليح

نغلق حواف الفطيرة ونرققهم مليح ثم ندهنهم لحليب ونزين بسينوج على الجوانب ثم نحط كمية كريمة الجبن المتبقية وندهم بها سطح الفطيرة ونزينها بمعدنوس مقطع وزيتون اسود ونشعل الفرن يسخن وندخل الفطيرة تاعي تطيب من تحت ثم نشعل لها من فوق تتحمر

فالاخير نخرج الفطيرة بعد ماتحتمرت ونقدمها مع حساء الخضار