نحضر كل المكونات ونبدأ على بركة الله، في إناء نحط حبة بيض مع كاس سكر ورشة ملح مع عطر الشكولاتة أو عطر البندق ونضرب مليح مليح بالفوي (الضراب اليدوي) حتى نحسو أنّ السكر ذاب شوية.
ملاحظة: ✔الكاس اللي عبرت بيه جميع المكونات سعته 150 ملل

ثم نضيف الزيت بالتدريج مع الخلط المستمر حتى تندمج كل المكونات.

ثم نضيف الكاكاو وخمارة الحلويات ونخلط جيدا وبعدها نضيف النشاء، ثم نضيف الفرينة ونخلط جيدا حتى نتحصل على عجينة طرية (لازم نخليوها طرية) دات معايا كاس و3 ملاعق كبار فرينة.
نصيحة مهمة: 🔔 لازم نضيفو الفرينة بالتدريج كي كملت الكاس كان عاد خصها بديت نضيف بالملعقة حتى تحصلت على القوام المطلوب تجي طرية تلصق شوية في اليد.

ثم ضفت ملعقة كبيرة مكسرات محمصة ومرحية خشين، ثم نضيف قطع الشكولاتة يمكن نستعملو حبيبات الشكولاتة وندخلها جيدا في العجينــة.
ملاحظة: ✔إضافة ملعقة من المكسرات إختيارية بصح كي ضفتها زادتلها في البنة يمكن الإستغناء عنها.

ثم نشكلها كريات وزن كل كرية ما لازمش يفوت 25غ.

ونستفها في صينية نسطحها قليلا باليد ندخلها الفرن المسخن مسبقا 10 دقائق الأولى على درجة حرارة مرتفعة ومن بعد نقص أقل من المتوسط مدة 5 إلى 10 دقائق أخرى (هاذي طريقتي في طهي الغريبية باش تتشقق معايا) أما طريقة طهي صاحبة الوصفة دخلت الصينية للفرن مسخن من قبل على درجة 180 مشتعل من الفوق فقط مدة 15دقيقة حتى تتشقق ثم طفات عليها شعلت من التحت مدة 4 دقائق فقط. كي طابت حطيتها فوق مشبك تبرد.

ويقدم بالصحة والهناء 😋👌🏻😋

هاذ الكوكيز يجي فيه قرمشة خفيفة من برا وطري من الداخل، بزاف بنين🍪🍫🍪