نخلط الدقيق والملح ونحط الماء ونجمع حتى نتحصل على عجين طري.ثم نحط كيس بلاستيك في ماء ساخن ونوضع العجين بداخله ونتركها ترتاح مدة نصف ساعة

بعدها نعاود نعجنها بدون تقطيع العجينة حتى يدخل كامل الماء الفيض من الكيس.اذا كانت طرية مليح وتنزل نتركخا ترتاح ربع ساعة

ونعملها كرات صغيرة ونخليها ترتاح حوالي ساعة.وإذا كانت يابسة نعود نحط الكيس في ماء سخون ونتركها مدة ربع ساعة.

منجهة نحط البصل يذبال ثم نضيفله الطماطم والملح والتوابل.لما ينشف نحط الزيت ونقليها مدة 3دقائق ونطفي النار.نتركها تبرد حتى وقت الاستعمال.

نأخذ الزيت ندهن مكان العمل ونحط كرة عجين ونطرحها باليد بمساعدة العجين.بشكل ورقة كبيرة ثم نحط شوية زيت ونطبق ورقة العجين ونحط الحشوة.

بعدها نغطي الحشوة بالطرف الثاني المقابل ونزيد نرش الزيت ونقلب الطرفين اللي على الجانبين نتحصل على شكل مربع أو مستطيل.ونكون حطيت طاجين الحديد أو مقلاة الكريب تسخن على نار قليلة.نحط المحجوبة تطيب

ولما تطيب من الاسفل نقلبها وهكذا حتى نكمل كل كرات العجين.اللي يحبها محمرة يخليها تطول في الطياب.