نخلط في ريسبيو كامل مكونات الصابلي تاعي ونشيح بالفرينة طريقة عادية لاي نوع صابلي نوضح فقط دور الحليب البودرة ونواة كوكو في العجينة باه نبقى محافضة على ذوق الرفيالو

نحل العجينة تاعي ونطبع بمول الدمعة ونطيبهم حتى يخذولي الون الذهبي وبعدها نلصق كل وحدة من ختها بالحشو تاعنا نذوب الشوكولا ونضيفلها حليب محلى وكريمة سائلة والوز المرحي ونخلط حتى نتحصل على عجينة للطلي متكونش متماسكة تكون في قوام النوتيلا

نغطس الوجه تاعها في الشوكولا حتى تجف نلمعها بالناكخي الابيض ونمسح الحواف ونرمدهم في النواة كوكو

نزينها بخطوط من الشوكولا وانضع عليهم العقاش و ميثال الحلزون ونرشها بالقليل من الملمع الغذائي الفضي