اول حاجة نحضرو المرق :نحطو الزيت يسخن ونزيدولو اللحم+ البصل مرابي+ الثوم والفلفل+ التوابل مع ربطة الدبشة نقلو الخليط مليح من بعد نمرقو بماء دافي ونخلو اللحم يطيب (يستوي) براحتو...

نحطو البطاطا تغلي في الماء مع شوية ملح باه متجيش صامطة حتى تطيب اي تستوي مليح

نصفيو البطاطا من الماء ونهرسوها مليح (شغل بيري). نزيدولها الفرماج والفلفل الاسود وشوية دبشة (كزبرة) للي يحبها والي ميحبهاش ميضيفهاش نخلطو مليح ونشكلو كويرات نديروهم في بياض البيض ونرمدوهم فالفارينة ومنبعد نقلوهم في زيت سخون باه ميشربوش الزيت نحطوهم فوق ورق ماص ونخلوهم بجيه...

نروحو للمرق تاعنا نخليوه حتى يخثار نصفيوه ونضيفولو كريات السفيرية منين يغليو غلية وحدة طفي النار وزيني من بعد بطرونشات ليمون وبالصحة والراحة.....