ننخل الدقيق ونضعه كله في الكبه لو هتعملى اكتر من كوبين ممكن تحطى ٢ ب٢ (انا بعد كدا لما عملته كذا مره بقيت احط الكيلو كله عادي الكبه عندي كبيره)

ننزل بالماء تدريجى ونضرب لو زادت منك الماء زودى دقيق وطبعا العكس

نحضر الشاش او قماشه نضيفه ونضع فوقها الغربال ونغربل الدقيق حتى ننتهى من الكميةولو فيه خشن نضع عليه دقيق ونضربه في الكبه ونغربله هينزل معانا

نلم الشاش او القماشه بتاعتنا ونربطها

طبعاً قبل مااشتغل كنت سايبه حلة الكسكسى فيها ماء على النار بتغلى لو عندك روح زهر حطى في الماء دى نقطة مفيش يبقى خلاص

هنضع الكسكسى على البخار ربع ساعة ثم نفك الشاش ونفرقه بالشوكه ونضع به قطعة زبدة او سمنه وممكن وصع نصف كوب حليب للتطريه لو مفيش حليب عادي ونقلبه ونضع في الشاش ثاني ونخضه يعنى نخبط الشاش بايدينا عشان يفك من بعضه ونضعه على البخار نصف ساعة ويكون بكدا خلص وجاهز معانا هتخضيه ثاني وتطلعيه من الشاش نضع عليه السكر البودر وبالهنا والشفا👌

ممكن قبل مانضيف الزبدة اول مانطلعه من الشاش ندخله الكبه ثاني ونغربله ثاني وممكن لأ براحتك حسب وقتك💕

ملحوظه لو هتزودى كمية الدقيق عن ٢ كوب حتى لو هتعملى كيلو او اكتر هي نصف كوب حليب بس بنطرى بها الحليب مش بيزيد ومش اساسى