نخلط كاستين سميد مع كوب طحين وفنجان سكر ومعلقه-صغيره بكنج باودر وخميره فوريه ورشة ملح ومعلقتين كبار حليب بودره ومعلقه كبيرة ماء زهر نخلطهم ثم نعجنهم بكوب حليب فاتر.

لما نعجنها منيح بنتركها لتخمر مده ساعه.

بعد ما تخمر بنمدها بصينيه تيفال وبنحطها بالفرن بس لتتنشف ( ما تحمروها) بس تنشيف حتى تصير متل البسكوت.

بعدين بنكسرها وبنطحنها بمحضرة الطعام.

بعد ما جهزت عجينه الكنافه بنخلطها بكوب سمنه ومعلقه-صغيره صبغة الكنافه ( او ملون طعام لون برتقالي ) وبنفركها منيح لحتى يمتزجو مع بعض كويس، وبنمدها بصينية تيفال.

بعدين بنرش الجبنه ( الجبنه انا خلطت جبنه حلوه و موزاريلا 200 غ).

بنحطها على عين الغاز عنار هاديه وبنضل نحرك فيها كل شوي بندور الصينيه لحتى تتحرك معنا الكنافه وهون بتكون الكنافه جاهزه.

اذا ما ساحت الجبنه دخليها الفرن بس من فوق لتذوب الجبنه مو اكتر وبعدين طلعيها واقلبيها ورشي قطر وفستق حلبي.