A surfa gero a wanke a shanya, inya bushe sai a caske a bushe a barza, a tankade a cire garin ciki sai a yayyafa rufa kadan a gauraya sai asa a madanbaci a silala sa. Zakaji ya fara kamshi sai a barsa yayi ta kamshi inya dan dau lokaci sai a sauke a kwashe

Sai a zuba ruwa kadan a tukunya a zuba man gyada a ciki a rufe inya tafasa sai a dauko wannan geron da aka turara a talga a ruwan, a rufe ya dahu. Inya tsantsame sai a sauke, biski ya nuna.

A zuba mai a tukunya asa albasa yadan soyu sai adauko kayan miyan duka a blending a zuba a ciki asa kanwa kadan don ya cire tsami sai a dauko nama a wanke a zuba aciki abarsu su dahu har ruwan ya tsotse kayan miyan ya fara soyuwa ata juyawa su soyu sosai

Inya soyu sai a sa ruwan Dan daidai a kawo species, maggi, gishiri da kifi banda a zuba duka. A kawo dakakken gyada a zuba a rufe yadan dahu. Inya dahu sai a kawo gyararren alayyaho da lawashi a zuba abarsa ya dahu minti 5 sai a sauke.

A wanke man shanu a daura a wuta a yayyanka albasa a zuba a ciki abarsa ya soyu sai a sauke