डाळकांदा (पूूरेेपूूर.. कोल्हापूर...) (daal kanda recipe in marathi)

Name: डाळकांदा (पूूरेेपूूर.. कोल्हापूर...) (daal kanda recipe in marathi)
Yield: ३ - ४ जणांना
Cuisine: भारतीय
Ingredients: 1 वाटी तुरीची डाळ; 1 मोठ्ठा कांदा बारीक चिरून / भिजलेेल्या तूूूरडाळीच्या समान प्रमाणात; फोडणीचे साहित्य -; मोहोरी,; जीरे ,; हिंग,; कडीपत्ता डहाळी; 2 छोट्या हिरव्या मिरच्या बारीक चिरून; 1/2 चमचा हळद; 1 टीस्पून कश्मिरी लाल तिखट; 1 टीस्पून कांदा लसूण मसाला; 2 चमचे तेल; चवीनुसार मीठ; शिजवण्यासाठी थोडे पाणी; 1 चमचा कोथिंबीर बारीक चिरून

शर्वरी पवार - भोसले @Epicurean_Gourmet

दुबई, युएई.

#KS2 डाळकांदा म्हटल्यावर आपसूक तोंडाला पाणी न सुटणारा
अगदी नामानिराळाच! भाजीचा कंटाळा आला किंवा घरी भाजी नसेल तर सोप्प्या आणि सुटसुटीत पदार्थांमध्ये पिठल्या खालोखाल डाळकांद्याचा नंबर लागतो. तुरडाळ, मूगडाळ, मसूरडाळ अगदी मटकीच्या डाळीचा ही डाळकांदा आवडीने चाखला जातो.
लहानपणची एक मजेशीर आठवण अशी आहे की डाळकांदा बनवून तो पार लोकांनी खाईतोवर माझी सुगरण आई आणि काकी कायम दडपणाखाली असायच्या! आई काकीला सारखी विचारायची "डाळ अखंड दिसतेय ना?" तेव्हा ती गोष्ट नीटशी कळत नव्हती. पण, स्वयंपाक करायला घेतला तसं हळूहळू सारंच समजायला लागलं. लग्नानंतर, सासूबाईंनी अखंड डाळीचे "जिवंत डाळ" (😂) असं नामकरण केलं. त्याचं असं आहे की डाळकांदा शिजवताना डाळ तर शिजली पाहिजे आणि त्यासोबत डाळीचा दाणा अखंड रहायला हवा. जर डाळ जास्त शिजली की माझे वडील आणि काका त्याला "माडगं" 😅म्हणायचे! तर अशी ही "डाळकांदा" कहाणी!
"डाळकांदा" खरंतर पश्चिम महाराष्ट्राची ओळख च जणू! कारण, इथं प्रांतोप्रांती त्याची बनवण्याची पध्दत, मसाल्यांचा बदल आणि त्यामुळे तोंडात येणाऱ्या विविधांगी चवीचा मास्टरस्ट्रोक खरंतर निव्वळ अवर्णनीय! तर आज आपण बघूया डाळकांदा बनवण्याची कोल्हापूरी पध्दत..

पुढे वाचा

डाळकांदा (पूूरेेपूूर.. कोल्हापूर...) (daal kanda recipe in marathi)

शर्वरी पवार - भोसले @Epicurean_Gourmet

सेव्ह केले

घटक

साधारण २० मिनिटे

३ - ४ जणांना

1 वाटीतुरीची डाळ
1मोठ्ठा कांदा बारीक चिरून / भिजलेेल्या तूूूरडाळीच्या समान प्रमाणात
फोडणीचे साहित्य -
मोहोरी,
जीरे ,
हिंग,
कडीपत्ता डहाळी
2छोट्या हिरव्या मिरच्या बारीक चिरून
1/2 चमचाहळद
1 टीस्पून कश्मिरी लाल तिखट
1 टीस्पून कांदा लसूण मसाला
2 चमचेतेल
चवीनुसारमीठ
शिजवण्यासाठी थोडे पाणी
1 चमचाकोथिंबीर बारीक चिरून

सेव्ह केले

कुकिंग सूचना

साधारण २० मिनिटे

1

सुरुवातीला, तूरडाळ स्वच्छ धुवून अर्धा तास भिजवून ठेवावी.
2

एका कढईत तेल घालून फोडणी करावी. त्यावर बारीक चिरलेली हिरवी मिरची आणि बारीक चिरलेला कांदा घालून परतावे.
3

नंतर त्यात हळद, कश्मिरी तिखट आणि कांदा-लसूण मसाला घालून तेल सुटेतोवर परतावे.
4

त्यापाठोपाठ, भिजलेली डाळ निथळून छान मिक्स करावी. एक वाटी पाणी आणि चवीनुसार मीठ घालून झाकण लावून डाळकांदा शिजवून घ्यावा.
5

डाळ ३/४ शिजल्यावर गैस बंद करुन झाकण लावून ठेवावे. कढईतील वाफेवर डाळ पूर्ण आणि अखंड शिजते, ती मोडत नाही. तयार डाळकांदा भाकरी बरोबर सर्व्ह करावा.