સૌ પ્રથમ દાળ ચોખા બરાબર ધોઈને ૧૫-૨૦ મિનિટ માટે પલાળી રાખો.

હવે એક કૂકરમાં ઘી લઈ તેમાં બધા તેજાના અને જીરું, લીમડો ઉમેરી લીલાં મરચાંની પેસ્ટ ઉમેરી સાંતળો. હવે તેમાં શીંગદાણા, કોબીજ, વટાણા અને તુવેરના દાણા ઉમેરી તેને બરાબર મિક્સ કરો.

હવે તેમાં પલાળેલા દાળ ચોખા તથા મીઠું અને હળદર ઉમેરી બરાબર મિક્સ કરો. હવે તેમાં જરૂર મુજબનું પાણી ઉમેરી ૩-૪ સિટી વગાડી બાફી લો.

કઢી માટે દહીંમાં બેસન તથા પાણી ઉમેરી બરાબર મિક્સ કરો. હવે એક તપેલીમાં ઘી લઈ તેમાં બધા તેજાના, જીરું, લીમડો ઉમેરી તેમાં લીલાં મરચાંની પેસ્ટ ઉમેરી સાંતળો.

હવે તેમાં દહીં અને બેસનવાળું મિશ્રણ ઉમેરો. હવે તેમાં મીઠું તથા ગોળ ઉમેરી ૧૦-૧૫ મિનિટ માટે ધીમા તાપે ઉકાળો. હવે ૩-૪ ઉભરા આવી જાય પછી તેમાં સમારેલી કોથમીર ઉમેરી મિક્સ કરી લો.