ندير كرمب (ملفوف) في ماء يغلي مع شوية ملح و نخليه يطيب (يستوي)و في جهة اخرى نوجد لصوص نرابي زوج بصلات في كسرونة مع ملعقة زبدة و ملعقة زيت و نخليه يتقلى مع شوية ملح ثم نزيد عليه حبة طماطم مرابية و نخليه يتقلى ثم نمرق عليه بشوية ماء سخون مع نص ملعقة طماطم مصبرة و نخليه حتى تطيب اي تستوي لي صوص

و في صحن نوجد الحشو لحم مفروح مع شوية رز مغلي مع بصلة مقطعة على صغير مع لشابلور ثوم ملح راس الحانوت كزبرة كمون معدنوس (بقدونس) بيضة و نخلط كل شي و لما يطيب (يستوي)لي كرمب (ملفوف) نحشيه مع قطع فروماج ابيض و نستفو في لمول ليدخل للفرن و لما نكمل كامل لورقات نفرغ عليه لصوص لوجدتها مع شوية فروماج ابيض من الفوق و ندخلو للفرن و بصحة و الهناء