اول حاجه نحضر طنجره ونضع بيها الماء على النار ونتركها لحد ماتبدا بالغابات ونحط فيها توابل الشربه المعتاده معانا ورق لورى وحبهان وحبتين قرنفل وفلفل اسود وكمون كلهم بيكونو مع مع بعض

نغسل البطه كويس جداً وندعكها بحبه طماطم دي تكه حلو جداً لازاله رائحه الزفاره منها ولما المياه تغلي بالتوابل نضع فيها البطه وترمي في الشربه طماطم مقطعة نصفين وفصين ثوم وبصله مقطوعه نصفين ونتركها حتى تغلي شويه

وبعدين نهدي النار ونتركها تطيب اي تستوي على الهادي بيخليها تطلع حلوه جداً معاكي

في طنجره تانيه بنحط ماء ونضع معلقتين ملح كبيره ومعلقه كمون بتخلي الكرنبه طعمها حلو

وتقطع ورق الكرنبه ونفصله عن بعضه ونبدأ نسلق الكرنبه ونقطعها ونرتبها وتبقى جاهزه عشان نلف منها على طول

بعد كده هنجهز خلطه الارز لحشو الكرنب (الملفوف) وهنبدا بالبصل نقطعه مكعبات صغيرة ونشوحه في معلقتين سمن بلدي وحبه زيت ذرة واول مايبدا ياخذ لون اصفر ننزل عليه بعصير الطماطم

وفي تكه حلوه نضيف ملعقة سكر صغيرة عشان الناس اللي عندهم حموضه الصلصة متتعبش معدتهم

بعد كده هننزل بالتوابل كزبره ناشفه ومعلقه فلفل اسود ومعلقه كمون والملح وتوابل محشي وانا بضيف مكعب مرقه دجاج ذرة بتخلي ليه طعم حلو اوي ونظبط الملح

نتركها تتسبك كويس وبعدين ننزل الارز ونتركه خمس دقائق على النار هادئه بعد تقليبه كويس جداً

بعد كده هتكون نظفنا الخضره وغسلناها وحطناها بمصفه تصفي المياه اللي بيها

بعد ما نطفي النار على الخلطه ننزل عليها الخضره ونقلبها

نبدأ نجهز الطنجره اللي هنلف فيها هنقطع بصل دوائر وطماطم وبطاطس وفلفل شرائح ونرصهم البصل وفوق منها الطماطم وفوق منها البطاطس والفلفل ونبدأ نلف ورق الكرنب (الملفوف) لحد ما نخلص

هنرجع للبطه اللي اكيد بقت تشهي ونحط الملح للشربه ملعقة

ونزود المحشي بالشربه ونتركه ياخذ غلوه وبعدين نهدي النار ونتركه ساعة بالضبط وبعدين نشوفه هيكون استوى

والبطه نحمرها بطاسه فيها معلقتين سمن وحبه زيت

ونرص المحشي في طبق والبطه وبالف هنااااااا