प्राथमिक साहित्य अगदी मोजके आहे. बीट, पनीर, कांदा, मिरची व कढीपत्ता. बीट किसून घ्यावा, पनीर ही किसावे, कांदा बारीक चिरून घ्यावा. मिरच्या चिराव्या. तिखट आवडत असल्यास मिरची वाढवा... फ्रेश क्रीम ऐवजी रोजची दुधावरची साय उत्तम. चला तर मग पुढे जाऊया...

एका कढई मध्ये तेल गरम करून घ्या. यात मोहरी जिरे हिंग यांची फोडणी करून घ्यावी. नंतर मिरची, कढीपत्ता घालून परतावे, नंतर कांदा घालून परतावे, यात हळद, मीठ साखर घालून पुन्हा छान परतून घ्यावे. कांदा नरम होईतोवर परतावा.

कांद्यावर किसलेले पनीर घालून परतावे, सोबत स्टार ऑफ द विक मिस्टर बीट रूट यांना एकत्र करून परतून घ्यावे. छान एकजीव करावे व झाकण ठेवून एक वाफ काढावी.

छान शिजले की यात मलई घालून पुन्हा एकदा परतून घ्यावे आणि गॅस बंद करावा. तयार बीट भुर्जी..... पोळी ची लज्जत वाढवण्यासाठी हातभार लावण्यासाठी सज्ज...

अप्रतिम चव, बहारदार रंग.... बढिया बेत...