الخطوات
- 1
انا بحط البصلة و الحبق و بهارات الكبة بالمكنة و بضربن دورة وحدة كراميل البصلة ما تبين كتير بالعجينة (بالنسبة لإلي أهين من اني ابرشها او فرمها ناعم)
- 2
منصفي البرغل و منعصره منيح من الماء و مندقه نتفة او منعمله بالمكنة لحتى تنعم شوي حبة البرغل أكتر و منزيد عليه البطاطا و خليط البصلة و منعجنن سوا
- 3
مناخد نص الكمية و منمدها بصينية فرن مدهونة ب زيت زيتون او زيت نباتي و منجهز الحشوة
- 4
بالمقلاة منقلي البصل نتفة ليدبل و منزدله الجوز و الزبيب و منقليهم نتفة(أنا زدت علين نتفة سماق و دبس رمان) و منظبطلن الملح
- 5
منحط الحشوة فوق العجينة و منمد الطبقة الثانية و منقصها بالشكل يلي بدكن ياه قبل ما نحطها بالفرن
- 6
منشعل الفرن من تحت و مندخل الصينية و منسويها من تحت بس يحمروا الأطراف منشعل من فوق و منخلي الوجه يتحمر
- 7
ملاحظة: هلأ أصول كبة الراهب انها تكون طبقة وحدة يعني بصينية الفرن أول الشي بحطوا الحشوة و فوقها طبقة من العجينة بدون طبقة العجينة التحتانية بس أنا ما بحبها هيك لان لما تستوي و بدنا ناكلها الحشوة بتوقع من العجينة و مناكل العجينة لحال و الحشوة لحال و فيكن قبل ما تدخلوها على الفرن تزينوا الوجه بالسمسم غير المحمص
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
كبة الراهب على طريقتي كبة الراهب على طريقتي
#امي_معلمتي اكلة كتير كتير قديمة شتوية واقتصادية كانت امي تعملنا ياها نحنا وصغار لما يضل عندها من عجينة الكبة حيلة كتار بيعملوها بطريقتها التقليدية بس انا دايما بحب ضيف لمساتي وذوقي على اي وصفة بطبقها وبحولها من وصفة عادية لوصفة ملوكية عنجد مش مجرد كلام والطعم بيحكي عن نفسو لما الكل يجربوها ويحبوها ويحبو التغييرات ل حطيتا فيها بس رغم هيك أكلة أمي لا يُعلى عليها وبتضلها هي الأساس وطعمها لا يوصف ولا ممكن اوصلو بحياتي الله يخلي أمهاتكن جميعا ويخليلي امي معلمتي الأولى والأخيرة ❤❤
-
-
وصفات ننصحك بمشاهدتها
التعليقات (3)