هنحط جميع المكونات في إناء العجن ونخلطهم كويس مع بعض لحد ما نحصل على عجينة متماسكة ، العجينة بطبيعتها هتكون بتلزق في بنضيف دقيق ، نفضل نعجن لمدة ١٠ دقائق بعدين نسيبها تختمر لمدة ساعة في مكان دافي

بعد لما تختمر العجينة هنفردها على صينية ونرش عليها دقيق الاول علشان ما تلزقش ، هنقطع الدوناتس باستخدام القطاعة الخاصة بيه ولو مش عندك في بدايل زي الكوباية

بعد ما نقطع كل العجينة هنسيبها ترتاح لمدة نص ساعة كده ، بعدين نطلعها ونقليها في زيت ، وناخد بالنا علشان بتستوي بسرعة.. اول لما لونها يبقى ذهبي من الجوانب هنقلبها بعدين نسيبها شوية هتحمر من تحت ونشيلها

هنكمل كل الدوناتس بالطريقة دي ، بعدين بنزينها بقى بأي صوص ، انا زينتها بشوكلاته ، جبت ٣ شوكولاته بابلي من الحجم الصغير وسيحتهم مع شوية لبن على نار هادية وزينت بيهم وبفورماسيل ، وبالهنا ❤