حنكسر ال ٣ بيضات في بولة كبيرة و نحط عليهم معلقتين الفانيليا السايبة و نضربهم بمضرب البيض و ننزل عليهم بكوباية السكر بالتدريج لحد ما القوام يتقل

حنخلط المكونات الجافة الدقيق و البيكنج بودر و الملح مع بعض و نضيفهم على البولة اللي فيها السكر و البيض و نضربهم بالتدريج

نجيب قالب بايركس او برام متوسط الحجم و نبطنه بزبدة او زيت و دقيق و نفضي العجينة و ندخلهم الفرن على حرارة ٢٠٠ و بعد ما تستوي الكيكة نطلعها و نسيبها لحد ما ترتاح خالص

حنضرب الكريمة و معاها ملعقة سكر و ملعقة لبن مكثف و ملعقة فانيليا سايلة بحد ما قوامها يتقل و نسيبها في الثلاجة

الكيكة بعد ما بردت خالص نخرمها بعصاية شيش طاووق و نسقيها بكوبايتين اللبن متدوب فيهم اللبن المكثف و بعدين نفرد على الوجه الكريمة بتاعتنا ممكن بقى. بعد الكريمة نزينها باللي احنا عايزينه سواء صوص كراميل او توت او لوتس