أولا كنسخنو الحليب ونضيفوه في إناء ونزيدو عليه ملعقة كبيرة من الخميرة الفورية والفاني ونخليوهوم اتفاعلو شويا ونزيدو السكر و البيض نخلطو مزيان ونزيدو الزيت تدريجيا وحنا كنخلطو

ونزيدو الدقيق حتى نتحصلو على خليط وسط ماقاسحاش بزاف وماجارياش بزاف مهم تكون كتتلصق فليدين

ونحاولو ندخلو فيها ديك 2 ملاعق ديال الزبدة وحنا كندلكوها نخليوها تختمر لمدة ساعة على الأقل

ملي يتضاعف حجمها نشكلو القريصات ديالنا وندهنوهوم بالبيض وندردرو الزنجلان ونخليوهوم يخمرو للمرة الثانية من بعد ندخلوهوم للفرن وبالصحة والراحة