أول حاجة الممبار يتجاب متنضف من مكان موثوق فيه وترجعي تننضفيه تاني كويس جدا جدا.. ويتنقع في مية وخل لمدة ساعة او أكتر

الخلطة: الارز يتغسل ويتنقع.. البصل يتبشر أو يتضرب في الكبة.. الطماطم تتضرب في الخلاط.. الخضرة تتغسل كويس جدا و تتنقع

بنحط كل مكونات الخلطة سوا مع البهارات والسمنة والصلصة ونبدأ نحشي الممبار ونراعي إننا نخليه مش مليان علشان ميفرقعش و هو بيتسلق

في مية فيها طماطماية وبصلاية تغلي ونسلق الممبار فيها بياخد حوالي ساعة ع النار

نتأكد من السوا نطلعه يبرد وبعدين نقليه في زيت غزير لحد ما يحمر من كل الجوانب