ஒரு அடி கனமான வாணலியில் ரெண்டு ஸ்பூன் நெய் சேர்த்து முந்திரிப் பருப்புகளை தனித்தனியாக வறுத்துக்கொள்ளவும். முழு முந்திரி மற்றும் உடைத்த முந்திரி. தனியாக எடுத்து வைத்துக் கொள்ளவும். அதே நெய் உள்ள வாணலியில் ரவையை சேர்த்து வாசம் வர வறுத்துக்கொள்ளவும்.

ரவையை வேறு தட்டிற்கு மாற்றிவிட்டு அதே வாணலியில் 3.5 டம்ளர் தண்ணீர் சேர்க்கவும். தண்ணீர் கொதிக்க ஆரம்பித்தவுடன் ரவையை போட்டு கட்டியில்லாமல் கிளறி விடவும். 5லிருந்து 6 நிமிடம் வரை கிளறவும்.ரவை வேகும் வாசம் வந்தவுடன் அதில், எடுத்து வைத்திருந்த இரண்டரை கப் சர்க்கரையை சேர்க்கவும் மீண்டும் கட்டி சேராமல் கிளறி விடவும். 5 நிமிடம் வரை நன்கு கிளறி விடவும். ரவை கொஞ்சம் கெட்டியாக ஆரம்பித்தவுடன். எடுத்து வைத்துள்ள நெய்யை சேர்த்து கிளறிக் கொண்டே இருக்கவும்.

இப்போது கால் டம்ளர் தண்ணீரில் ஒரு சிட்டிகை கேசரிப்பவுடர் நன்கு கரைத்துக் கொள்ளவும்.இதை ரவா கேசரி யில் சேர்த்து நன்கு கலந்து விட்டு கிளறி விடவும்.நெய் மேலும் தேவைப்பட்டால் தங்களுக்கு விருப்பமான அளவில் நெய் சேர்த்துக் கொள்ளலாம். கிளறிவிட,கிளறி விட கேசரி வாணலியில் ஒட்டாமல் வரும். இப்போது ஏலக்காய் தூளை தூவி விடவும்.வறுத்த முந்திரிப்பருப்பு துண்டுகளை சேர்த்து கலந்து விடவும். கேசரியை வேறு பாத்திரத்திற்கு மாற்றி கொள்ளவும். முழு முந்திரிப் பருப்புகளை மேலே வைத்து அலங்கரிக்கவும். சுவையான கேசரி ரெடி