اول شئ بحضر الصلصة اللى هدهنها على وجة البيتزا قبل التزيين بحضر حلة واقطع الطماطم نصفين واضيفها فالحلة والبصلاية اقسمها نصفين واضيفها والثوم كل فص اقسمه واضيفه واضيف نص كوب ماء ومكترش لان الطماطم بتنزل مايه واسيبها عالنار

بعدين اقلب الطماطم واول مااحس انها استوت كده ودابت شويه هى والبصل والثوم اسيبها تهدى خمس دقايق وبعدين اضربهم فالخلاط شويه لحد ماالخليط يكون ناعم خالص بعدين اضيف معلقة بصل بودر وثوم بودر وملح ونصف معلقة صغيره فلفل اسود ومعلقه صغيرة زعتر ومعلقة كبيرة زيت ومعلقة كبيره خل وربع معلقة سكر واقلبهم كويس وكده الصلصة جاهزة ولو فاض معاكر تقدرى تشيلى الباقى فى الفريزر تستخدميها للبيتزا مره تانيه

تحضير عجينة البيتزا يااما فالعجان يااما فى بولة وتعجنى بايدك عادى جدا
بحضر الدقيق اضيف عليه معلقتين السكر ونص معلقة ملح ثم اضيف 2 معلقة كبيرة خميرة فورية او لو خميرة قوالب اضيف قطعة صغيرة فى مقدار ماء دافئ قليل جدا واقلبها كويس واضيفها للدقيق ولازم اتاكد الاول ان الخميرة كويسه وبعدين اضيف عليهم اللبن البودر وبعدين اقلبهم مع بعض كويس

اضيف الزيت لخليط الدقيق واقلب كويس وبعدين اعجن بايدى او العجان بعد كده اضيف البيضة واعجن كويس جدا واضيف المايه الدافيه واحده واحده وانا بعجن واضيف لحد ما العجينة تلم معانا ومع العجن اضيف معلقة خل كبيره وافضل اعجن كويس جدا لحد مالعجينه تلم معايا واحس انها ملمسها حلو ومتماسكة

بعد مالميت العجينة اجيب بولة او صينية او اى حاجه وادهنها زيت واخلى فيها العجينة تخمر حوالى نص ساعه وبعد ماتخمر اقطعها 4 قطع واكورها واسيبهم يخمروا كمان ربع ساعه

بعدها افرد كل كوره منهم بالنشابة فردة مدورة كويسه وبالشوكة اغرز العجينة فاماكن متفرقه عشان تستوى كويس وادهن الصلصة على الوش ومكترش واضيف الطماطم و البصل والفلفل والزيتون والهوت دوج للتزيين وادخلها الفرن حوالى 8 دقايق اخرجها اشوف ضهرها اخد لون بسيط اضيف على الوجه ال موتزاريلا وادخلها الفرن تانى لحد مالجبنه تسييح واشوف ان العجينة استوت اطلعها وهكذا كل كوره

وبألف هنا وشفا ❤️