કાંદા જીણા સમારી લેવા. લીલા મરચાં - આદુ અને લસણ ઝીણું સમારી લેવું. આદુ ની કતરણ કરી લેવી. કાજુ-મગજતરી- ખસખસ ને 30 મીનીટ હુંફાળા દૂધ માં પલાળી પછી પેસ્ટ બનાવવી.પનીર ના પીસ કરવા. બધું સાઈડ પર રાખવું.

મેરીનેશન : પનીર માં હળદર, લાલ મરચું, ધાણાજીરુ, બાદશાહ નો રજવાડી ગરમ મસાલો, 2 ટી સ્પૂન તેલ, કસુરી મેથી અને મીઠું નાંખી, ટોસ કરીને 30 મીનીટ માટે સાઈડ પર રાખવું. પછી પેન માં મેરીનેટેડ પનીર લઈ, અંદર 2 ટે સ્પૂન પાણી નાંખી, 5 મીનીટ કુક કરી લેવું.આનાથી બધા મસાલા સરસ મીકસ થઈ જશે અને ચઢી પણ જશે.

મટર ને બાફી ને સાઈડ પર રાખવા. ટામેટાં ને બ્લાનચ કરી, એની છાલ કાઢી, ગ્રાઈંડ કરી સ્મૂથ પેસ્ટ બનાવવી.

એક પેન માં તેલ અને ઘીનો ગરમ કરી અંદર જીરું સોતે કરવું. પછી કાંદા -આદુ-મરચાં - લસણ ને સોતે કરવું. આદુ ની કતરણ પણ સોતે કરવી.

હવે એમાં ટામેટા ની પેસ્ટ, વ્યાઈટ પેસ્ટ અને લાલ મરચું, હળદર, ધાણાજીરુ અને બાદશાહ નો રજવાડી ગરમ મસાલો નાંખી 2 ટે સ્પૂન પાણી નાંખી મીકસ કરવું. 5 મીનીટ કુક કરવું, જેથી બધા મસાલા બરાબર ચઢી જાય.

છેલ્લે ગ્રેવી માં બાફેલા વટાણા અને મેરીનેટેડ અને સોતે કરેલું પનીર અને મીઠું (ગ્રેવી પુરતું) નાંખી મીકસ કરવું. 1 કપ પાણી નાંખી, 5 મીનીટ ઢાંકી ને કુક કરવું. પછી સરવિંગ બાઉલ માં કાઢી, કોથમીર છાંટી સર્વ કરવું. મટર પનીર સાથે રોટલી, નાન, પરોઠા સરસ લાગે છે. મેં અહીંયા કેરી નો રસ, ફજેતો, પંજાબી બુંદી રાયતા, મટર પનીર શાક અને ત્રિકોણ પરાઠા -----ગુજરાતી પંજાબી મીકસ પ્લેટર સર્વ કર્યું છે.

પંજાબી બુંદી રાયતા : રેસીપી પ્રમાણે બનાવી ચીલ્ડ કરવા મુકવું. બુંદી જેટલી દહીં માં પલળશે એટલી પોચી થશે અને ફુલશે એટલે બુંદી નું પ્રમાણ દહીં કરતા ઓછું રાખવું.

તો તૈયાર છે મનભાવન ગુજરાતી પંજાબી મીકસ પ્લેટર. આવીજ રીતે બીજું પ્લેટર બનાવવું.

નોટ : મેં પાયરી કેરી નો રસ કાઢ્યો છે અને ઉપર સુંઠ પાવડર નાંખ્યો છે. પંજાબી વાનગી માં રસ પાયરી નો નહીં પણ હાફુસ કેરી નો હોય છે અને સુંઠ પાવડર નંખાતો નથી.