اول شي للحشوه بنجيب علبة الحليب المكثف بنشيل الورقه من العلبه وبنحط العلبه (مسكره) بطنجره فيها ماء لدة ساعه كامله.

بيتحول الحليب المكثف الى كراميل... بعد ما تبرد علبة الحليب المكثف بنحطو في وعاء وبنضيفلو النصف كوب من الزبده وبنحركهم منيح بجهاز الخفق الكهربائي مشان نتاكد انهم امتزجو منيح

في وعاء اخر بندوب السكر بس يدوب بنضيف البيض بس انتبهو ما بدنا البيض يستوي لهيك لازم تحركو منيح ويفضل استخدام الخافق الكهربائي لانو حيساعدكم كتير.. بعد هيك بنضيف لطحين ومعلقه من بيكربونات الصوديوم وبنحركهم وبنشيلهم عن النار..

العجينه هي اكتير سهله وهي عباره عن طبقات وهلي المكونات بتعمللكم 7 طبقات.. اول شي بحمام مائي بنحط الكوب من الزبده وبنضيف عليها ربع الكوب من العسل وكاسه ونصف من السكر بنحركهم منيح.

بعد هيك جبت العجينه حطيتها على ورق الزبده وفردتها بشكل دائري..وطبعا اعملت هشي لسبع مرات على ورق زبده تاني وتالت ل سابع مره... وحطيتهم بالفرن لما حسيت انو لونها بدأ يصير اشقر طلعتها...

ملاحظه العجينه لو حستوها بتلصق طبيعي هشي.. انتبهو بالفرن على طول بتشقر العجينه...

بس صارو جاهزين الطبقات بتتاكدو انو كلهم شكلهم وحجمهم نفس الشي..لو طلع عندكم زياده لا ترموهم حتستفيدو منهم في الزينه

الطبقات كلهم نفس الحجم بتحطو الطبقه الاولى بتحطو لكريمه (الحشوه) عليها وبضيفو فوقها الطبقه التانيه (العجينه)وبضلكم تعملو هيك لاخر طبقه..