તુવેર ની દાળ ગરમ પાણીથી ધોઈ પ્રેસર કૂકર માં બાફી લેવી
બફાઈ ગયા બાદ બ્લેન્ડરથી જેરી લેવી.(બ્લેન્ડ કરવાને કાઠિયાવાડમાં જેરી કહેવાય છે.અને હૅન્ડબ્લેન્ડરને
જેરણી કહેવાય છે.)

દાળ ઉકળવાની શુરુ થાય....એટલે ઢોકળીના લોટમાં થી લુઆ લઇ રોટલી વણી એકસરખા સક્કરપારા જેવા કટકા કરી દાળમાં નાખવા
બે થી ત્રણ મિનિટમાં ઢોકળી ચડી જાયછે.ઉકળતી વખતે નીચે ચોંટી દાઝી ના જાય તે ખાસ ધ્યાન રાખવું,એકરસ થઈજૈતયા સુધી આશરે ૫ થી ૭ મિનિટ ઉકાળવી

વઘારિયામાં તેલ અને ઘી બન્ને મિક્સ કરી ગેસ પર ગરમ થવા મુકો,ગરમ થાયએટલે રાઈ,જીરું,
તજ,લવિંગ નાખવા તે બધું તતડી જાય એટલે ડુંગળી ઉમેરવી,ડુંગળી આછી ગુલાબી સંતળાઈ
જાય એટલે હિંગ અને લાલ મરચું ઉમેરી દાળઢોકળી ના તપેલામાં વઘાર રેડી દેવો.
છેલ્લે સૂકા કોપરા નું ખમણ ઉમેરવું.

દાળ ઢોકળીને સુકીભાજી,સાદાભાત,લીંબુ અને શુદ્ધ દેશી ઘી સાથે ગરમાગરમ પીરસો.
ગુજરાતીનું જમણ કોથમીર વિના અધૂરું ગણાય છે....પણ મને સન્જોગોવશાત મળી નથી એટલે ઉપયોગ નથી કર્યો.પણ આપજયારે બનાવો ત્યારે જરૂર થી વાપરજો....અને હા.....હવે તો શિયાળો પણ ધીમેપગલે આવી રહ્યો છે તો લીલુંલસણ પણ વાપરજો....ખુબ જ ટેસ્ટી લાગે છે...અને હેલ્થી પણ ખરું...