મુઠીયા બનાવવા માટે એક તાસકમાં લાડુ માટેનો લોટ લેવું. ઘીનું મોણ એડ કરવું અને હુંફાળા પાણી વડે થોડો થોડો લોટ બાંધી મુઠીયા બનાવવા.

કડાઈમાં તેલ ગરમ કરવા મુકવું. તેલ ગરમ થાય એટલે ફલૅમ મિડીયમ-લૉ કરી મુઠીયાને બદામી રંગના તળી લેવા. (તેલમાં તળેલા મુઠીયા સરસ ફરસા થાય છે એટલે હુ લાડુ માટે ના મુઠીયા તેલમાં જ તળુ છુ. તમે ઇચ્છો તો મુઠીયા ઘીમાં પણ તળી શકાય)

તળેલા મુઠીયાના ટુકડા કરી થોડા ઠંડા થાય એટલે મિકસચર જારમાં લઇ થોડું દરદરું પીસી લેવું. ઝીણી ચારણીથી એક તાસક માં ચાળવું. લાડુ બનાવવા માટે ચુરમો તૈયાર છે. હવે આ ચુરમામાં ઇલાયચી પાઉડર, કિસમિસ તથા ઝીણા સમારેલા કાજુ-બદામ-પિસ્તા એડ કરવા. બધું સારી રીતે મિક્સ કરી લેવું.

હવે ચુરમામાં ઘી-ગોળનું મિશ્રણ એડ કરવું. ગરમ હશે તેથી ચમચી વડે મિક્સ કરવું. થોડું નવશેકું થાય એટલે હાથથી મિક્સ કરી ને મિડીયમ સાઈઝના લાડુ વાળવા. અંદાજિત 22 નંગ લાડુ બને છે આટલા માપથી. (જરૂર પડે તો બાકીના 100 ગ્રામ ઘી માંથી થોડું થોડું એડ કરવું)

તો તૈયાર છે પરંપરાગત મુઠીયાધર લાડુ. તેને ઉપર ખસખસથી ગાનિઁશ કરવું.