સૌપ્રથમ કેરી ને બરાબર ધોઈ તેની પીલર વડે છાલ ઉતારવી પછી તેના ટુકડા કરવા

ત્યારબાદ કેરીના ટુકડામાં ૩ ચમચી મીઠું 1 ચમચી હળદર નાંખવી મેં તેને છ કલાક માટે હલાવીને રાખી મૂકવા છ કલાક પછી કેરીનું ખાટું પાણી તૈયાર થશે તે કાઢીને કેરી ને એક કોટનના કપડામાં સુકવવી ત્યારબાદ ખારેકના ટુકડા કરી તેને ખાટા પાણીમાં પલાળવી ગાજરને પણ ખાટા પાણીમાં પલાળવા અને સુકા મરચા ને પણ ખાટા પાણીમાં પલાળવા આ બધાને બે કલાક માટે સૂકવવા

ત્યારબાદ એક મોટી ડીશ મા પ્રથમ રાયના કુરિયા નાખવા ત્યારબાદ મેથીના કુરિયા નાખવા અને દોઢ ચમચી હિંગ નાંખવી ત્યારબાદ એક તપેલામાં 200 ગ્રામ તેલ ગરમ કરવા મુકો તેલ એકદમ ગરમ કરવું સહેજ ઠંડું કરી કુરિયા પાથરેલા છે તેમાં તેલ રેડવું આ બધા મસાલાને થોડીવાર ઠંડા થવા દેવા પછી તેમાં ધાણાના કુરિયા નાખવા અધકચરા ખાંડેલ મરી નાખવા વરીયાળી નાખવી આ બધા મસાલાને હલાવવા પછી તેમાં 1/2વાટકી સૂકું મરચું નાખો એક ચમચી હળદર નાખવી અને ખમણેલ ભીલી નો ગોળ નાખવો અને આ બધાને મિક્સ કરવું સુકવેલા કેરીના ટુકડા ખારેક ગાજર અને મરચા નાખો

મસાલાઓમાં કેરી ખારેક ગાજર મરચા બધાને બરાબર મિક્સ કરવા પછી ધીમે ધીમે તેલ ઉપર આવશે આમ આપણું સ્વાદિષ્ટ ખટમીઠું ગોળ કેરીનું અથાણું તૈયાર થશે આ અથાણાંને બે દિવસ માટે ઢાંકીને રાખવું ત્યારબાદ ફરીથી હલાવો એટલે ગોળ બરાબર મિક્સ થઈ જશે પછી સર્વિંગ બાઉલમાં કાઢીને ગોળ કેરીનું અથાણું સર્વ કરવું આ આપણું ટ્રેડિશનલ અથાણું છે અને આપણે ભાખરી રોટલી વગેરે સાથે ખાઈએ છીએ ખૂબ જ સ્વાદિષ્ટ સુગંધી લાગે છે.