कढईत तूप दोन टेबलस्पून गरम करत ठेवावे त्यात रवा भाजावा.मापासाठी एकच वाटी वापरायची. रवा मेडीयम फ्लेमवर वास येईपर्यंत भाजून घ्या.

रव्याचा किंचित रंग बदलतो तो काढून घ्या. पुन्हा तूप सोडून त्यात बेसन पीठ खरपूस वास येईपर्यंत भाजून घ्यावे.

आता एकतारी पाक करण्यासाठी पातेल्यात साखर घालून घ्यावे त्यात साखर बुडेल इतकेच पाणी घालावे साखर विरघळेपर्यंत हलवावे.

साखर विरघळून गेली की हाताने तार येते का ते पहावे.तार येऊ लागली की त्यात वेलची पावडर घालून घ्या आणि गॅस बंद करावा.

आता या पाकात रवा आणि बेसन घालून घ्यावे. थोडे तूप आणखी घालून घ्यावे व चागंले हलवून एकसारखे करून घ्यावे.

झाकण ठेवून किमान अर्धा तास ठेवावे चांगले मुरू द्यावे. एकदा हलवून पहावे मध्येच.नंतर सर्व चमच्याने काढून हलवावे व हाताने चोळून एकसारखे करून घ्यावे. लाडू वळायला सुरवात करावी.

सर्व लाडू तयार करून घ्या. सोबत बेदाणा,काजू पाकळ्या लावाव्यात.जास्त दिवस टिकतात जर बेदाणे न लावता केले तर.काढलेले पिठ जास्त कोरडे वाटत असेल तर थोडे तुप लावून लाडू वळावेत.