प्रथम बारीक रवा एका बाउल मध्ये घेणे. तो रवा पाणी घालून त्याचे खूप पातळ नाही आणि घट्ट ही नाही असे मेडीयम बॅटर तयार करून घेणे. त्यात एका लिंबाचा रस घालून ते मिश्रण 10-12 मिनिटे बाजूला ठेवणे. तोपर्यंत हिरवी मिरची, आले, लसूण याची पेस्ट तयार करून घेणे.

नंतर गॅस वर कढई ठेवून त्यात पाणी घालावे. व त्या वर एक खोलगट थाळा तेल लावून गरम करण्यासाठी ठेवावा. थाळी गरम होईपर्यंत तयार केलेल्या रवा मिश्रण मध्ये चवीनुसार साखर, मीठ आणि हिरवी मिरची ची पेस्ट घालून ते मिश्रण एकजीव करून घेणे.

आता थाळी गरम झाली असेल. आता या मिश्रण मध्ये इनो घालावा व त्या वर 1 चमचा पाणी घालून ते सगळे एकजीव करून घेणे. मिश्रण हलके लागायला लागते व बबबल्स यायला लागतात.

ते मिश्रण खूप फेटायचे नाही. व लगेचच त्या गरम झालेल्या थालीमध्ये ओतावे. व वरून थोडे लालतिखट सगळीकडे भुरभूरावे. याने रंग छान येतो.झाकण घालून 20 मिनिटे ठेवावा.

आता तोपर्यंत एका बाजूला छोटी कढई ठेवून त्यात 3 चमचे तेल घालावे. तेल गरम झाले कि त्यात मोहरी, जीरे, कढीपत्ता आणि मिरची, तीळ घालून खमंग फोडणी तयार करून घेणे.20 मिनिट झाले कि ढोकळा झाला कि नाही ते पाहावे. त्या साठी टूथ पीक किंवा सूरी त्या मध्ये घालावी. ती साफ बाहेर आली तर ढोकळा तयार झाला. व गॅस बंद करावा. थाळी थंड होऊ देणे.

थंड झालेली थाळी कढई तुन बाहेर काढून त्याचे चौकणी काप करून घेणे. व तयार केलेली फोडणी वरून सगळीकडे घालावी. भरपूर कोथिंबीर घालावी.

गरम गरम चटणी, तळलेली मिरची सोबत सर्व्ह करावे.