#GA4 #Week15 की वर्ड--गूळ
इम्युनिटी बूस्टर डिंक लाडू...अर्थात थंडीतील खाऊची खादाडी..😍😋थंडीचा मोसम म्हणजे भाजीपाला, फळफळावळ,सुकेमेवे,दूधदुभतं,सूप्स,सलाड्स, लाडू,वड्या,खिरी ,शिरा,विविध प्रकारचे हलवे ,आवळा,मिरची,लिंबाची लोणची , चटण्या ,तीळ गुळ,मुबलक तेलाचा आणि साजूक तुपाचा घसघशीत वापर 🤩आणि बरंच काही...
लहानपणी आई म्हणायची .‌.अरे खाऊन घ्या सगळं आत्ता या थंडीमध्ये...आत्ता खाल्लेलं अंगी लागतं..वर्षभर उपयोगाला येईल...मग तुमच्या शरीराला दगड पचवायची पण ताकद येईल..🤔... कळायचं नाही तेव्हां‌..असं वाटायचं की आम्ही खावं म्हणून आपलं काहीतरी लपेट मारतीये आई आम्हांला...दगड कधी खातो का आपण तर मग पचवणार कसे🤔खरंच मलातरी असंच वाटायचं...बालबुद्धी हो..पण मग हळूहळू त्या दगडाचा अर्थ जसजसे मोठे होत गेलो तसे समजत गेला..दगड पचवायची ताकद म्हणजेच आपल्या शरीराची रोगप्रतिकारक शक्ती,immunity system..वाढते आणि मग त्यामुळे आपण रोगांशी आणि polltion शी मुकाबला करुन शकतो.. आईची माया, तळतळ दुसरं काय...हम्म्म्...जावे त्यांच्या वंशा..हेच खरं..शरीरस्वास्थ्याची जशी काळजी घेते ही माऊली तसचं मनाच्या स्वास्थ्यासाठी ही मायेची ऊब खूप आधार देते कायम..ही मायेची ऊब मिळाली की किती बरं वाटतं ना आपल्याला..
खरंतर आता काही वर्षांपासून मुंबईची थंडी इनमिन २०-२५ दिवसांची पाहुणी झालीये..पूर्वीसारखा ४ महिने मुक्काम नसतो तिचा आताशा.. उणेपुरे ५-६ दिवस हेच फक्त GST चे..म्हणजे..🤔.अहो गोधडी स्वेटर,टोपीचे.😀हे सगळं असलं तरी खाद्यसंस्कार गप्प बसून देत नाहीत ना...नियम म्हणजे नियम...विषय संपला...म्हणूनच मग हा सगळा थंडीच्या खाऊचा आणि मायेच्या उबेचा प्रपंच.मागच्या वर्षी डिंकाचे साखरेचे लाडू केले होते.आतायावर्षीगुळाचेकेलेत.