गॅस सुरू करून त्यावर एका पसरट भांड्यात दूध गरम करण्यास ठेवावे. दूध सतत ढवळत राहावे. म्हणजे उतू जात नाही आणि बुड लागत नाही. तसेच काठावर जमा होणारी साय काढून दुधात टाकावी. म्हणजे दूध घट्ट होण्यास मदत होते.

काजू आणि बदाम घेऊन मिक्सर मधून बारीक करून घ्यावे. त्यात थोडे दूध टाकून त्याची पेस्ट करून घ्यावी.

दूध थोडे घट्ट झाल्यावर त्यात काजू बदाम ची पेस्ट टाकावी व सतत ढवळत राहावे.अर्धे दूध अटल्यावर त्यात साखर टाकावी. व चांगले उकळू द्यावे.

आपल्याला पाहिजे तेवढे घट्ट झाल्यावर त्यात सुकामेवा चे तुकडे आणि चारोळी, वेलची पूड टाकावी. म्हणजे दुधाची मसालेदार रबडी तयार झाली आहे.

आता ही रबडी फ्रीझार मध्ये थंड करायला ठेवावी. थंड झाल्यावर त्याचे 3 भाग करावे. एका भागात हिरवा आणि दुसऱ्यात केशरी रंग टाकावा. आणि मिक्स करून घ्यावे.

उंच बाऊलमधे सगळ्यात खाली हिरवी, नंतर पांढरी आणि सर्वात शेवटी केशरी रंगाची रबडी टाकावी. व पुन्हा थोडावेळ फ्रीझर मध्ये सेट करण्यास ठेवावे.

आता ही थंडगार झालेली रबडी, डेझर्ट वरून थोडे सजावट करून खाण्यास तयार आहे.